| | | تحكيم على كرسى الاعتراف يقر ويعترف بكل الحقائق ,,,,, |  |
| | | كاتب الموضوع | رسالة |
|---|
وردة بلادى
* مشرفة ركن *
عدد المساهمات : 263
تاريخ التسجيل : 09/03/2010
العمر : 34
الموقع : here
| | موضوع: تحكيم على كرسى الاعتراف يقر ويعترف بكل الحقائق ,,,,, 2010-04-09, 7:38 pm | |
| | |
| | | | وردة بلادى
* مشرفة ركن *
عدد المساهمات : 263
تاريخ التسجيل : 09/03/2010
العمر : 34
الموقع : here
| | | | | محمدرسلان
* مشرف ركن *
عدد المساهمات : 196
تاريخ التسجيل : 17/02/2010
العمر : 37
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-09, 8:03 pm | |
| الله يكون في عونك ياتحكيم بصراحة أنا مش عاوز أجلس علي كرسي الاعتراف ربنا معاك يارب أسترها | |
| | | | وردة بلادى
* مشرفة ركن *
عدد المساهمات : 263
تاريخ التسجيل : 09/03/2010
العمر : 34
الموقع : here
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-09, 8:07 pm | |
| ليه كده يا محمد دورك هيجى مش تقلق
وبعدين فى اسئلتك | |
| | | | عماد شفيق
* المدير العام *
عدد المساهمات : 221
تاريخ التسجيل : 17/02/2010
العمر : 36
الموقع : منتديات كل جديد المتنوعه
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-09, 11:06 pm | |
| السلام عليكم ورحمة الله وبركاته
انا جيت ومعايا شويه اسئله صغنطاطين
ورينا بقى شطارتك
1- قول والله العظيم اقول الحق
" والله العظيم أقول الحق"
2- اسمك :
عماد محمد شفيق الدفراوى
3- سنك:
22 سنه
4- عنوانك:
شارع أحمد الحفناوي _ سكة زفتى _ حى ثانى _ المحله الكبرى الغربيه.
5- فصيلة الدم لو سمحت :
حقيقى مش عارف فصيلة دمى لأنى مش جربت قبل كدا أعرفها أصلا والحمد لله وربنا يبعدنا عن المستشفيات وسكتها " قولوا آمين " .
6- دراستك :
طالب بالفرقة الرابعة - كلية الحقوق – جامعة المنصورة .
7- ايه طموحك المهنى والشخصى ؟
على فكرة أسئلتك من النوع السهل الممتنع يا "وردة بلادى "
بس طموحى الحقيقى هو إنى أعمل حاجه تنفع البشريه كلها ودا ان شاء الله هايكون من خلال طريق القانون بردو ؟
8- ايه اكتر صفه بتحبها فى الشخص اللى بتتعامل معاه ؟
الهدوء
9- اكتر صفه تكرها فى شخص ؟
الاتهام بدون دليل ... بمعنى انه يقول فيك كلام مش حلو بدون أي دليل وللأسف دى حاجه منتشرة جدا الأيام دى .
10- احسن صفه فى شخصيتك ؟
مش عارف بصراحه بس هو انا شايف ان نص السؤال يكون " هل فيك صفه حلوة ولا لأ ؟ " مع إن مش هاعرف ارد عليه بردو .
بس على كل يعنى لو دى صفه كويسه هو انا شايف انى وفى حبتين يعنى لكن مش عارف اذا كان دا حقيقى ولا لأ .
11- اوحش صفه فيك ونفسك تغيرها ؟
اها انا هاعترف هنا لانى حلفت هو انى لما بشوف انسان بيتلاعب قدامى بالكلام ومش صريح بحاول أساعدة على انه يدارى الحقيقه جواه ومش يقوها علشان ما أحرجهوش .
يعنى بتحرج أحرج حد يعنى
12- اكتر اكله بتحبها واكتر فاكهه واحلى مشروب ؟
الكشرى المصرى .
13- ايه هواياتك ؟
بحب أعرف تفاصيل القانون جدا وبقالى كام سنه كدا بحب أقرأ لكن قبل كدا كنت بموت فى لعبة التايكندو وهى لعبه قتاليه بس جميله جدا ونفسى ارجعلها تانى .
14- هل انت راضى عن نفسك ؟
طبعا
15- اكتر كاتب بتقرأ له ؟
الدكتور / مصطفى محمود
كتبه مستهويانى الأيام دى الحقيقه يعنى
16- احلى كتاب قريته ؟ وكان عن ايه ؟
فى الحقيقه هى كتب القانون كلها ممتعه جدا ، ومع انه سؤال يحير لأنهم كتير ، لكن أحلى كتاب فيهم كان كتاب " التحكيم فى القانون التجارى الدولى "
ودا كان بيتكلم عن أسلوب لفض المنازعات اللى بتنشأ فى أثناء تنفيذ الثفقات التجارية اللى بتتم بين أشخاص أو شركات فى دول مختلفه أو بين دول وبعضها .
لكن طبعا فى كتب تانيه زى مثلا :-
* التحكيم فى مجال الانترنت .
* التحكيم فى مجال عقول البترول .
* التحكيم فى مجال الطاقه النوويه .
* القانون المدنى عموما وبالاخص مجال العقود وعلى رأسهم عقد البيع .
* الوسيط فى القانون الجنائى القسم الخاص ودا بقى حبيب قلبى .
* القانون البحرى والجوى .
دول أفضل كتب قرأتها والحمد لله يعنى
17- ماذا تعنى الصداقه لديك ؟
الصداقه عندى هى " العملة النادرة "
18- ومين اعز اصدقائك ؟
باسم فتحى حميدو محمد سيد أحمد رزق .
بس طبعا انا حبايبى كتير ودا مايمنعش انى بحبهم كلهم لكن الشخص دا الحقيقه هو الوحيد اللى وصل لقلبى بالطريقه دى .
19- ماذا يعنى لك :
أ- الحب ؟
الماء فى صحراء جرداء .
وذلك أيا كان نوع هذا الحب.
ب- الخيانه ؟
سبيل الضعفاء .
ج- الكره ؟
الطريق الذى يبدأ بفكرة وينتهى بالوحده .
د- عزة النفس ؟
الحل الوحيد حتى تحيا حياة حقيقيه .
هـ - الضحك ؟
كلمة نضحك بها على أنفسنا حتى ندارى ما بنا من ألم ، ولكنها هى السبيل الأوحد لنسيان جرح سببه لنا حبيب .
و- الحلم ؟
هو النور البعيد فى طريق مظلم بدونه من الممكن ان نختنق ونموت .
ز- الالم ؟
الدنيا .
20- هل انت مدمن تفكير ؟
جدا .. ونفسى أبطل أفكر شويه لأني ساعات التفكير بيغلب عليا ويطلعنى من أى حاجه بعملها لكن انا شغلى كله فى هدوء يعنى الفكر ملازمنى ملازني لا محاله .
21- احلى بلد او مدينه زرتها ؟
بلطيم .
22- تحب تعيش فى اى بلد او اى مدينه ؟
أسكندريه ... بس طبعا نفسى ألف العالم كله .
لكن طبعا المحله بالنسبالى بلد مفيش زيها لان فيها كل حاجه .
23- لو رجعت لورا بالسنين والايام هتغير ايه ؟
مش ها غير حاجه . لانى راضى بيها كدا ، بكل حاجه حلوة وبكل حاجه وحشه ، لانى لما جمعت كل اللى فات لقيت نفسى فى الأيام دى وانا دلوقتى راضى عن الحاضر بتاعى جدا والحمد لله .
24- فى وسط الحياة الصاخبه من يرسم لك الابتسامه ؟
لا أدرى ... ولكن أنتظر من يرسم لى البسمه .
25- ما هو مبدأك فى الحياه ؟
لكل مجتهد نصيب .
26- اصعب لحظات فى حياتك ؟
وقت انتظار نتيجة اى عمل أنا عملته بالذات نتيجة امتحاناتي في الكلية.
27- ماذا تفعل عندما تعجز عن وصف شعورك ؟
أسكت وأفكر.
28- هل تؤمن بالحب من اول نظره ؟
طبعا ... لأنه أمر وارد من الممكن حدوثه ... وإن كان أمر نادر ... لأنه فى أغلبه بيفشل بمجرد قيامه .
29- لو حضرت حفله تنكريه هتلبس ايه ؟
هالبس جلبيه وعمه .
30- لو صحيت من النوم وبقيت رئيس للدوله هتعمل ايه ؟ ولو تعرف حد ابقى شوفلى شقه على النيل هههههههههه
هاشيل النفورة اللى فى المحله على الشون دى اللى جانب السينيما المفتوحه وهاشيل السينيما دى كمان علشان مش ليهم لازمة خالص الحقيقه يعنى .
لا فى الحقيقه ماعرفش حد فى الإسكان وبعدين أستنى ياكتكوته ، دى الشقه على العريس أنتى عاوزة شقه ليه بقى .
31- يعنى ايه الحرية الشخصيه فى رأيك ؟
الحرية الشخصيه .. هى انك تقول الحقيقه فى أى وقت وأى مكان وتعمل كل اللى انت عاوزة فى حدود الصح ... لكن فى مقابل كدا انك تكون مسئول عن اللى بتعمله علشان ما تعملش حاجه تضر بغيرك .
32- اكتر موقف مضحك حصلك لدرجه انك كل ما تفتكره تضحك ؟
هو مش موقف .. دا واحد إسمه ابراهيم الهلالى وشهرته "المنش" لو حد قعد معاه مش بيعرف يمسك نفسه من الضحك أصلا وحتى بعد بيسيبه بيفضل يضحك كل ما يفتكر كلامه معاه . لان الواحد دا بصراحه أسطورة ضحك وأفيهات وانا بقى ما اتوصاش فى الهزار لما بكون معاه يعنى .
33- لو معاك مصباح علاء الدين ايه ال 3 طلبات اللى هتطلبهم منه ؟
مش هاطلب منه حاجه لانى بصراحه مش بعترف بالحكايه دى .
34- لمن تعطى :
أ- كلمه عتاب ؟
لكل من أحببته ولم يشعر بحبي له .
ب- نظره ضيق ؟
كل صاحب سلطه متعسف .
ج- نظره رقيقه ؟
كل إنسان رقيق وخفيف على القلب والعين واتمنى ان أراه طول الوقت .
د- ورده ؟
ليكى انتى يا "وردة بلادى " وأهو يبقى الشئ لزوم الشئ .
هـ - قلبك ؟
لم اهديه لأحد الان لكن فى القريب سأهديه الى من يختارنى وأختاره .
د- كل اهتمامك ؟
القانون.
35- هل انت :
وثيق من الفوز ههههههههه
أ- واثق من نفسك ؟
طبعا .
ب- مغرور ؟
أبدا ... والحمد لله .. ودى حاجه بشهادة من كل اللى بيتعامل معايا يعنى ... كلهم عارفين ان عماد تحت الارض من كتر التواضع يعنى .
ج- عندك حب تملك ؟
لا .. لكن عندى حاجه قريبه منه وهو حب الاقتناء وبالذات لما أكون مقتنى ورقه فيها كلمات جميله من إنسان عزيز عليا ... أهو حاجه أنا ألفتها مثلا ... أو دبله جميله لانى بحب الدبل جدا ... وهكذا .
د- طماع ؟
والله أبدا دا انا الحمد لله ديما اللى معايا مش بتاعى .
هـ - غيور؟
على حسب ... يعنى بحسب نوع الحاجه اللى تستاهل الغيره ... يعنى مثلا دينى يختلف عن أهلى ... عن أصحابى ... وهكذا .
و- هادئ؟
بحب الهدوء
ز- فضولى ؟
هو انا عندى شوية فضول مش كتير يعنى ... عارفه اللى هو الفضول الصحى يعنى اللى مش بيزعل حد ... يعنى احب اعرف الكتاب دا بيتكلم عن ايه من باب الفضول ، أو مثلا أحب أعرف انت تقصد إيه من كلمه قولتها قدامى لحد غيري وانا مش فهمتها .
ح- طموح ؟
جدا ... لحد لأبعد مما تتخيلى ... ولدرجة ان ممكن تقولى عليا خيالى ... والأغرب من كدا هو انى بعيش على حلمى حتى لو كان هايخد منى سنوات على مايتحقق ... لكن الحمد لله الحكايه دى سابت فيا أثر جميل يعنى .
36- ما هي نقطة الضعف ونقطة القوه فيك ؟
نقطة ضعفي هى " الكلمه الطيبه " ، ونقطة قوتى هى " أملى فى ربنا " سبحانه وتعالى .
37- مواصفات فتاة احلامك هجبلك عروسه ؟
انها تكون جميله ... ومن عائلة متواضعه ماديا ... وبتحب تشيل مسئوليه .... ومعاها شهاده جامعيه على الأقل علشان مستوى الاولاد يكون كويس فى المستقبل ان شاء الله ... والأهم من دا كله انها تكون غيورة على دينها .
38- بيمثلك ايه كل من :
أ- الصلاه ؟
النظام .
ب- الحب ؟
الماء فى صحراء جرداء .
ج- الاطفال ؟
الصفاء .
د- عائلتك ؟
الشئ الجميل .
هـ - التصالح مع النفس ؟
أفضل ما يكون حتى أستطيع الاستمرار .
و- الفرحه ؟
النتيجه التى أحلم بها بعد كل عمل أقوم به .
ز- الضيق ؟
نتيجة التعرض لمعاملة شخص غير كريم .
ح- الوحده ؟
اكثر وقتى .
39- رايك ايه فى :
أ- الحب ؟
الماء فى صحراء جرداء . السؤال دا اتعاد أكترمن مرة بأكتر من شكل .
ب- الصداقه بين البنت والولد ؟
شئ غير موجود ... فلا توجد صداقه بين ولد وبنت ولكن من الممكن ان تكون زميله فى العمل او الدراسه او فى أى شيء أو أن تصل الى مقام الاخوة ولكن الصداقه فى هذا الفرض غير موجوده بالفعل .
ج- البنت ؟
البنت بتمثل ليا أنا .. الكلمه التى ان مزجة بماء البحر لأنقلب بها من ملح أجاج الى عزب فرات .
د- الطموح ؟
هو العصى السحرية التى بها يمكننا ان نحدد ماذا نريد فى المستقبل .
هـ - الفقر ؟
العجز ... ولكن لايمنع هذا عن الرضا بقضاء الله وقدرة .
و- الغربه ؟
تعلم الحكمه .... ففي السفر سبع فوائد كما يقال .
40- ما تعليقك على الاغانى دى
انا خونتك امبارح ( تامر حسنى )
بتبعدينى ( محمد منير )
بحبك يا حمار ( سعد الصغير )
انت عمرى ( ام كلثوم )
انتهينا خلاص ( شرين )
انا مهما كبرت صغير ( عمرو دياب )
مش عارف لأنى مش هاوى أغانى يعنى . تقدرى تقولى مش بحبها .
41- صف نفسك فيما لا يقل عن 3 سطور ( موضوع تعبير حلو كده(
سؤال صعب جدا واخد منى وقت كبير جدا لكن مش عارف اكتب إيه
عاوز أكتب لاشئ ... وعاوز اوصف حاجات كتير حاسس بيا وعندى هنا الدليل وهنا الدليل ... لكن أعفينى من السؤال دا .
42- ايه تعليقك على الاسئله ؟
أسئلة حلوه جدا ربنا ما يعدها ... ههههههههه ... بس كانت تجربه حلوه أوى ومثيرة جدا ... كنت حاسس انها وقفه بتعرضلى نفسى من جوه اللى بقالى زمان مش دريان بيها .
حقيقى شكرا ليكى يا " وردة بلادى " .
43- حاسس بايه وانت على كرسى الاعتراف؟
خايف بإستمرار من السؤال اللى جاي مش عارف ليه ... كنت حاسس انك هاتشغلى الكهربه اللى فى الكرسى فى أى وقت .
هرجع تانى اكيد اوعى تتخيل انى كده خلصت
ليه هو لسه فى أسئلة تانيه بعد دا كله دا انا كتبت إجباتى فى أكتر من ساعتين
فى النهايه انا بشكرك حقيقى على فكرتك دى ياوردة بلادى وعلى وجودك الدائم معانا على المنتدى ويارب نكون على قدر المسئوليه دى
بس الكرسى دا طلع جامد أوى ... شكله كد معمول فى دمياط
مع السلامة وانا فى انتظار استجوابتكم كلكم
| |
| | | | وردة بلادى
* مشرفة ركن *
عدد المساهمات : 263
تاريخ التسجيل : 09/03/2010
العمر : 34
الموقع : here
| | | | | thedarkknight
* المشرف العام *
عدد المساهمات : 113
تاريخ التسجيل : 09/03/2010
العمر : 35
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-10, 11:31 am | |
| يانهاااااااااااااار مش فايت ده قربت عليا
تحكيم الكرسى مريح
استر يااااااااااارب
يارب ماتسالنى يارب ماتسالنى يارب ماتسالنى | |
| | | | عماد شفيق
* المدير العام *
عدد المساهمات : 221
تاريخ التسجيل : 17/02/2010
العمر : 36
الموقع : منتديات كل جديد المتنوعه
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-10, 1:21 pm | |
| شكرا لزوقك ياوردة بلادى لكن هو فى أسأله تانيه غير دا كله
انا مش هاتكلم غير قدام الاستاذ مفيد فوزى
وانت ياداااارك عمال تتريق بكرة هانشوفك وانت على كنبة الاعتراف ونعمل فيك كدا بردو بس ساعتها مش هاتعرف تجاوب بقى | |
| | | | وردة بلادى
* مشرفة ركن *
عدد المساهمات : 263
تاريخ التسجيل : 09/03/2010
العمر : 34
الموقع : here
| | | | | مى
من أهم الاعضاء على الإطلاق
عدد المساهمات : 12
تاريخ التسجيل : 16/03/2010
العمر : 34
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-11, 1:32 pm | |
| أي الألوان تحبها ؟
أي الأكلات تحبها ؟
أي الإشكال تحبها ( المربع _ الدائرة _ المثلث ) ؟
أي من أسماء الصبيان تحبه ؟
أي من أسماء البنات تحبه ؟
أي من أنواع الطيور تحبها ؟
أي من أنواع العصائر تحب ؟
أي من أخوتك الأقرب إليك ؟
أي من أجمل الذكريات تفضل ؟
أي من أصوات الطيور تحب ؟
أي قسم من أقسام المنتدى أفضل بالنسبة لك ؟
أي حاجه بجنيه ونص ... هههههههههههه .
انا عرفت أعمل الاسئله دي بس لكن طبعا وردة بلادي أستاذة في الحكاية دي لكن انا مش عاوزاك تجاوب الاسئلة دي وانت قاعد على كرسي الاعتراف .
انا عاوزاك تجاوبها وانت في معتقل جوانتانمو ... ههههههههههه . | |
| | | | عماد شفيق
* المدير العام *
عدد المساهمات : 221
تاريخ التسجيل : 17/02/2010
العمر : 36
الموقع : منتديات كل جديد المتنوعه
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-11, 1:47 pm | |
| 1. أي الألوان تحبها ؟
احب اللون الأحمر
2. أي الأكلات تحبها ؟
الكشري المصري
3. أي الإشكال تحبها ( المربع _ الدائرة _ المثلث ) ؟
المربع .
4. أي من أسماء الصبيان تحبه ؟
عبد الرحمن .. أسم جميل جدا وإن كان طبعا فى أسماء كتير جدا حلوة وانا بحبها لكن دا من أكثر الاسماء وأقربها الى قلبى
5. أي من أسماء البنات تحبه ؟
اممممممممممم .... مش عارف بس فى أسماء كتير بردو ، يعنى مثلا بحب اسم " هند " وإسم " هبه " وغيرهم لكن الاسمين دول كويسن وان شاء الله لما يكون عندى بنوته صغننه كدا هاختارلها واحد من دول .
6. أي من أنواع الطيور تحبها ؟
الحمام ... بيدل على الحريه وفيه رقه مش موجوده فى حاجات كتير .
7. أي من أنواع العصائر تحب ؟
عصير الموز باللبن ... فلو عندك عصير موز باللبن يبقى انا مش عندى مانع .
8. أي من أخوتك الأقرب إليك ؟
امممممممم .... هما كلهم حبايبى يعنى ... سؤالك صعب يامى .... طبعا هشام اخويا اقرب حد فى اخواتى بالنسبالى لانه ببساطه توأمى ، لكن دا مايمنعش ابدا ان أخواتى الباقين بحبهم بردو .
9. أي من أجمل الذكريات تفضل ؟
هو الحمد لله فى ذكريات جميله كتير لكن مافيش بالنسبالى أجمل من أنى اتقابل براجل معين فى موقف معين لمده قصيرة ... لكن يتكون مابينا موقف جميل لا ينسى ابدا .
10. أي من أصوات الطيور تحب ؟
صوت الهدهد ... سؤال جميل جدا .
11. أي قسم من أقسام المنتدى أفضل بالنسبة لك ؟
هو جميع الاقسام بالنسبالى جميله والا ماكنتش هافتحهم اصلا وإن كان لرأى الاعضاء عندى أثر كبير فى أختيار قسم معين لفتحه ، لكن فى الغالب الاعم بكون مقتنع بفتح الاقسام المطلوبه من الاعضاء .
12. أي حاجه بجنيه ونص ... هههههههههههه .
هههههههههههه ... طيب هاتيلى أى حاجه وأيدى ثمنهم على النوته مع القبضاللى متأخر عليا ليكم .
انا عرفت أعمل الاسئله دي بس لكن طبعا وردة بلادي أستاذة في الحكاية دي لكن انا مش عاوزاك تجاوب الاسئلة دي وانت قاعد على كرسي الاعتراف .
انا عاوزاك تجاوبها وانت في معتقل جوانتانمو ... ههههههههههه . | |
| | | | وردة بلادى
* مشرفة ركن *
عدد المساهمات : 263
تاريخ التسجيل : 09/03/2010
العمر : 34
الموقع : here
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-11, 10:14 pm | |
| حكمه تؤمن بها وبتنطبق على حياتك ؟
هل انت عنيد ؟
هل تومن بالابراج ؟
لو خيروك بين الصداقه والحب فاي منها تحتار ؟
امنيه بتحب تحقيقها؟
من هي الصفات التي تجذبك فى المراءة ؟
لو اخترت شريكه حياتك هل تفضلها تكون عامله او ربه بيت ؟
لو اصبحت اب اي الشخصيه تحب تكون المتسلط والفارض لرائيه ولا تحب تكون الديمقراطي المتساهل ولا اي نوع اخر؟
- متى تكون راضي عن نفسك ؟
-كيف تحب ان يعاملك الاخرين ؟
- شي بتعمله كل يوم تفريبا وماتتركه اي هو؟
وقت ماتكون غضبان او متضايق بتعمل اي كتنفيس للغضب ؟
-انت ضد او مع هجرة الشباب لعربي للخارج للعمل ؟
-شعورك وانت تسمع اخبار العراق وفلسطين ؟
- اجمل اسم بالمنتدى ؟
- تحب مين من الاعضاء يكون على كرسي الاعتراف بعدك ؟
- كلمه اخيرة تحب تقولها لاعضاء المنتتدى؟
يارب تكون الاسئله خفيفه عليك مش كتيره عد الجمايل دى | |
| | | | عماد شفيق
* المدير العام *
عدد المساهمات : 221
تاريخ التسجيل : 17/02/2010
العمر : 36
الموقع : منتديات كل جديد المتنوعه
| | موضوع: رد: تحكيم على كرسى الاعتراف يقر ويعترف بكل الحقائق ,,,,, 2010-04-12, 1:36 pm | |
| 1- حكمه تؤمن بها وبتنطبق على حياتك ؟
هو فى حكمة عينه انا بحاول اخليها تنطبق عليا لكن مش هاقدر اقول انها بتنطبق عليا فعلا وهى عموما بتقول
" الحكمة : هى ان تعرف ما الذى تفعله .
المهارة : أن تعرف كيف تفعله .
النجاح : هو ان تفعله . "
2-هل انت عنيد ؟
انا مش فى كل الاوقات عنيد لكن فى أوقات بيكون العند هو الحل الوحيد لحاجه معينه ، ساعتها بس بكون عنيد ... لكن فى الواقع انا مش عنيد بطبعى .
3- هل تومن بالابراج ؟
لا
4- لو خيروك بين الصداقه والحب فاي منها تحتار ؟
الصداقه .
5- امنيه بتحب تحقيقها؟
بحب أحققها ؟ بمعنى الاستمرار يعنى؟ ... ولا أحب أحققها فى وقت ما ؟لو كانت الثانيه يعنى بمعنى انى احب احققها تبقى هى انى احقق كل اللى بحلم بيه .. واللى هو مش هاينفع يتقال يعنى ... ، اما لو كانت الاولى بمعنى الاستمرار يبقى انى انجح فى الكليه كل سنه وبس .
6- من هي الصفات التي تجذبك في المرأة ؟
الهدوء ، والجمال ، والصوت المنخفض ، والطاعه طبعا أوعى تنسى دى علشان لو عندك عروسه يبقى تعرفيها من أولها كدا انه لازم تسمع الكلام .
7- لو اخترت شريكه حياتك هل تفضلها تكون عامله او ربه بيت ؟
لا تكون ربة منزل لكن مايكونش عندها مانع انها تشتغل علشان تكون جوه بيتها بتشتغل مش من النوعي اللى بتحب تقعد وتتخن دى ... ههههههههههه .
8- لو اصبحت اب اي الشخصيه تحب تكون المتسلط والفارض لرائيه ولا تحب تكون الديمقراطي المتساهل ولا اي نوع اخر؟
أكيد السؤال دا إجابته معروفه لانى مافيش حاجه مبهدلانى على المنتدى هنا غير "ديمقراطيتى" اللا متناهية .
9- متى تكون راضي عن نفسك ؟
طول الوقت ، لانى ببساطه بعمل اللى انا راضى عنه ، لكن لو عملت حاجه انا مش راضى عنها بغيرها بعد كدا على طول .ِ
10-كيف تحب ان يعاملك الاخرين ؟
بنظام حتى نصل الى ما نتغياه منتعاملنا والا لا يكون لتعاملنا أى فائده .
11- شي بتعمله كل يوم تفريبا وماتتركه اي هو؟
بدخل للمنتدى ... ودا شئ أساسى حتى لو مش هاحط وضوع ، لكن لازم ادخل اشوف ايه الاوضاع وايه الجديد .
12- وقت ماتكون غضبان او متضايق بتعمل اي كتنفيس للغضب ؟
بصرف كل الفلوس اللى فى جيبي .. هههههههه ,, مش عارف ليه بس دى الحاجه اللى انا بعملها .
13 -انت ضد او مع هجرة الشباب لعربي للخارج للعمل ؟
انا ضدها طبعا ، إذا كان فى هنا بديل فى الداخل ، يعنى عمل تانى ، وطبعا لازم نكون عارفين ان الزيادة السكانيه كمان واللى بتفرزلنا مشاكل تانيه اللى منها مثلا الهجرة سواء الشرعيه او غير الشرعيه ، مالهاش حل إلا اذا كان فى استغلال مناسب للموارد الطبيعيه وغير الطبيعيه داخل الدوله هنا ... علشان يكون فى فرص عمل للشباب اللى مش لاقى خنا وبيتطلع للدول التانيه علشان يشوف فيها عمل لحل مشاكله ومشاكل حياته .
14- شعورك وانت تسمع اخبار العراق وفلسطين ؟
الخوف من اننا نألف روح الهزيمه ونحس ان أعدائنا بشر غير عادى ولا يمكن هزيمتهم ... لكن ان شاء الله هايكون فى حل لكل المشاكل دى .
15- اجمل اسم بالمنتدى ؟
مش هاينفع اقول لان لكل اسم هنا عمل معين مافيش حد تانى بيعمله يعنى مثلا على سبيل المثال لا الحصر ، الاستاذ "محمد رسلان" مهتم جدا بالنواحى الديمقراطيه زى الحوار والتصويت ونفسه يعمل موضوعات زى كدا دا غير اهتمامه الكبير بالركن الاسلامى طبعا ، والشاعر "محمد العيوطي " الراجل دا بيعرض الشعر بتاعه وبيشغل بيه منتدى متلقى الشعراء ، والاستاذ "دارك نايت" مهتم جدا بالتاريخ والمعارك والحروب ، والاستاذ " المش مهندس " مهتم جدا بالبرامج ، وحضرتك بقى شايله أغلب شغل المنتدى إن لم يكن كله ... يعنى من الصور للمرح والفرفشه للترحيب وغيره وغيرهم كمان .
فأنا مش هاعرف اقول من أجمل اسم هنا لانى ببساطه المدير مش ينفع اميز حد عن حد .
16- تحب مين من الاعضاء يكون على كرسي الاعتراف بعدك ؟
اااااااااااااااااااه احب أشوف كل اللى شمتوا فيا وكمان اللى وقعونى فى الكرسى دا .
17-كلمه اخيرة تحب تقولها لاعضاء المنتتدى؟
أقولكم ، انى انا بستفيد منكم وبتعلم من كل حاجه انتوا بتقدموها وحتى لو محطيتش رد على الموضوعات فأنا بقرأ معظم الموضوعات ... وعاوز اقولكم كمان شكرا ليكم جدا .
18- يارب تكون الاسئله خفيفه عليك مش كتيره عد الجمايل دى
والله انا مش عارف اعد ايه ولا ايه ولا ايه يا "ودرة بلادى " وكمان مش عارف هى زونب ولا جمايل اصل الحكايه بقت شبه بعها خالص لكن على كل ، شكرا ليكى جدا مجهودك المتميز والجبار والملحوظ دا وعاوز اقولك ان كل اعضاء المنتدى بيشكروا فى مجهودك على المنتدى وانا كمان بشكرهم جدا .
مع السلامه | |
| | | | | | تحكيم على كرسى الاعتراف يقر ويعترف بكل الحقائق ,,,,, | |
|
مواضيع مماثلة | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| | ضع إعلانك هنا وحقق الانتشار | | بمنتدى احجز إعلانك |
|
مدة اعتقالنا ليك اسبوع 
