[ندعوك للتسجيل في المنتدى أو التعريف بنفسك لمعاينة هذا الرابط]واحد مسطول ماشى بيطوح فى البيت فخبط فى مراته
فبتقوله : انت ايه مش شايفنى؟
فقالها : شايفك قبل كدا بس فين فين !!!!!!
*************************************
واحد مسطول لقى علبه لبن مكتوب عليها (خالى من الدسم)
فكتب جنبها ( وانا خالى من سوهاج)
**********************************
واحد مسطول دخل عزاء بنت جميله
فالمقرئ بيقول اذكروا محاسن موتاكم
فقال مسطول: الله يرحمها كانت مزه
**********************************
طالب مسطول امه فتحت عليه باب الاوضه
فقال اقفلى يا ماما الباب بيقولوا الامتحانات على الابواب
*********************************
واحد مسطول بيقول لاصحابه ( لا تشربوا سجاير المارلبورو وتنصروا الامريكان)
قالو : طب نشرب ايه؟
قالهم : اشربوا حشيش وانصروا الافغان
*******************************
مسطول اتصل بخطوط طيران يسأل الرحله لامريكا تأخد كام ساعه؟
فرد الموظف عليه وقاله : ثوانى
فقاله طيب شكرا وقفل الخط
*****************************
مسطول بيضرب فرخه فسألوه طيب بتضربها ليه؟
قالهم : كل يوم تبيض بيضه مفيش جبنه خالص
******************************
مسطول مراته بتولد فى المستشفى وبتتألم وتصرخ من الوجع
قعد يضرب دماغه فى الحيط ويقول: انا السبب .. انا السبب*****************************
مسطول لقى طاووس فى الشارع
فراح بيه للقسم وقالهم اعمل ايه
رد الضابط : وديه جنينه الحيوانات
رجع مسطول بعد ساعه وقال للضابط : وديته جنينه الحيوانات تحب اوديه الملاهى يا باشا
****************************
ضابط وقف مسطول فى الشارع وقاله اركب البوكس
رد المسطول وقال: تسلم يا باشا انا بيتى قريب***************************
واحده بتقول لصاحبها المسطول : انت بطل
فقالها : اومال ان كنتى شفتينى ايام الحرب وانا شهيد
***************************
مسطول طلب اوباما وقاله : احنا قررنا اعلان الحرب عليكم
فقاله اوباما: وانتوا مين؟
فقاله المسطول : احنا فلان وفلان وفلان
فرد اوباما وقاله : بس احنا عندنا 4 مليون جندى
رد المسطول : خلاص مفيش حرب اصل احنا معندناش مكان لاربعه مليون اسير***************************
واحد بيسأل مسطول : تفتكر الشمس اهم ولا القمر
رد المسطول : اكيد القمر
فقاله التانى : اشمعنى
رد المسطول : القمر بيطلع ينور للناس بليل والدنيا ضلمه
اما الشمس بتطلع بالنهار والدنيا نور اصلا
****************************
مسطول عاكس واحده فضحكتله وقالت : ادينى رقم تليفونك
قاله يووووه من اولها كدا طلبات
***************************
مسطول بيقول لمسطول: عينى بقت حمراء اعمل ايه؟
فرد المسطول التانى : لما تبقى خضراء امشى **************************
اتنين مساطيل راكبين عربيه فانقلبت بيهم
فواحد قال : اظن اننا اتقلبنا
فرد التانى وقاله يووووووه بدانا نوسوس
*************************
تحيتى 
